“Neftçi” U-13 Liqasının gümüş medallarını qazandı

7 iyun 2023, 19:31

“Neftçi” U-13 Liqasında final oyununa çıxıb. “Ağ-qaralar” həlledici görüşdə “Sabah”la qarşılaşıb. Binə qəsəbə stadionunda keçirilən matçda komandamız məğlub olub - 0:2.

Oyundan sonra təşkil olunan mükafatlandırma mərasimində komandamızın üzvlərinə gümüş medalları AFFA-nın Məşqçilər Komitəsinin üzvü Əsgər Abdullayev, Kütləvi Futbol Departamentinin rəhbəri Fərrux İsmayılov və Uşaq və Gənclər üzrə Yarışların Təşkili şöbəsinin rəisi Yusif Vəliyev təqdim ediblər. Qapıçımız Cavidan Babayev isə "Fair Play" mükafatına layiq görülüb.